Berî bi demekî kin, em li
salonek ji yê ABF a Stockholmê bûn. Salonên ABF ji gelek konferansên navnetewî
re dayiktî kiriye. Keça Kurd, rojnamevan û fîlmkara nasdar Shilan Saidi, di gel
rojnamevanê Îranî, Nima Derwish, di cîvînek çapemeniyê de, fîlma xwe ya
dokumenterî nîşan beşdaran didin. Kanala TV ya mezin li Swêdê, STVji bo
nîşandan fîlma wan ketibû dorê.
Rêkxistina însanî Shevet
Achim li Yerusalemê alîkariya tibî pêşkêşî zarokên ji dilê xwe nexweş dike.
Mirovên însanî, bi fedekariyên mezin, di ser sînoran re xwe dighêjînin başûrê welêt.
Zarokên nexweş di gel dêûbavê wan dihênin Îsarîlê. Malbatên hejar ku nikarin
zarokên xwe emeliyat bikin, bi destê doktorên îsraîlî bê pere têne tedawîkirin.
Heman rêkxistin, filistiniyan jî tedawî dikin. Di rêkxistinê de, kesên olîslam,
mesîhî û cihû kar dikin. Filma Saidi û Derwish çîroka zarokên dilnexweş û
tedawiya wan ji xwe re dike mijar.
”Xelata sala 2012 an ya
Parastina jiyanê-Livräddare” ku ji aliyê Komela Dostaniya Magen David Adom tê
belavkirin dane rojnamevan Shilan Saidi û Nima Derwish, ji bo fîlmê wan, ”Dilê
zarokekî-Ett Barns Hjärta”. Sedema dana
xelatê wisa tê formulekirin: Di heremêk wisa ku ji ber şer û nakokiyan dinale
de, xwediyê xelatê nîşan didin ku, mirovên çand û olên cewaz bi hevre ji bo
zarokên dilnexweş dikarin bixebitin. Fîlma wan û xebatên însanî, li wê herême
ku hêvî kêm dibin, hêviyên mezin û dilgermiyê dide mirovî.
Komela Dostaniya Adom li
Swêdê, piştgiriya rêkxistina Magen David Adom-MDA dike. MDA li Israîlê
alîkariya nexweşên xedar dike û xwînê dighêjîne wan. Li gorî peymana Cenevrê
xebatê dike û alîkariya ji hamû çand û olan, mirovên nexweş dike. Hevkariyê bi
Xaça sor, heyva sor dike.
Inga kommentarer:
Skicka en kommentar